Ardian Dvorani sqaron një herë e mirë përplasjen me Metën: Ai të veprosë si e vlerëson, unë raportet i kam me Kushtetutën

Ardian Dvorani sqaron një herë e mirë përplasjen me Metën: Ai të veprosë si e vlerëson, unë raportet i kam me Kushtetutën

Gjykatësi Ardian Dvorani ka komentuar ditën e sotme vlerësimin e dhënë nga Shtetet e Bashkuara të Amerikës me motivacionin për përkushtim kundër korrupsionit transparencës dhe llogaridhënies.

Dvorani është shprehur se ndihet tepër i vlerësuar dhe krenar për këtë çmim dhe dëshiron ta ndajë me kolegët që në vite kanë bërë maksimumin.

Juristi ka një histori të gjatë në sistemin e Drejtësisë në Shqipëri, por një angazhim shumë domethënës në Reformën në Drejtësi.

Së fundmi ai është gjetur në sulmin e Presidentit Ilir Meta, për shkak të angazhimit të tij në procesin e ndërtimit të institucioneve të reja të drejtësisë pas reformës në drejtësi. Meta bëri edhe padi ndaj juristit Drovani.

Dvorani shprehet se jo vetëm Presidenti po kushdo tjetër ka të drejtën të veprojë si të dojë dhe këto sulme nuk e shqetësojnë aspak.

Pjesë nga intervista në “Top Talk”:

Gazetari: Përse po ju sulmon kaq shumë presidenti i Republikës?

Dvorani: Presidenti i Republikës dhe kushdo qoftë ka të drejtën e tij të veprojë ashtu si e vlerëson.

Ky nuk është problemi im fare, raportet i kam me Kushtetutën, ligjin dhe institucionet dhe mua nuk më shqetëson fakti si më vlerësojnë personat publik, apo edhe këtë çmim ndërkombëtar X dhe Y.

Detyrimi im është që ashtu si në të kaluarën dhe në të ardhmen të vazhdojë të ushtrojë detyrimin tim gjyqësor. Nuk kam asnjë arsye të ndjek se çfarë deklarojnë politikanët apo funksionarë të ndryshme për këtë çmim.

Vlerësimin tim e ka bërë DASH, është e sqaruar qartë. Diçka ka shkruar edhe Ambasada e SHBA, të tjerët po më komentojnë mua apo vlerësimin që më kanë bërë?