Bilushi i Metës flet për rrezikun e kontrollit të banesave dhe si t’i fshehin lekët

Bilushi i Metës flet për rrezikun e kontrollit të banesave dhe si t’i fshehin lekët

Pas kontrollit të banesës ndaj një mjeku dhe gjetjes së parave cash, Bilushi i Metës ka shpërndarë një udhëzim për gjithë kuadrot dhe zyrtarët e lartë të LSI-së:

“Të dashur miq!

Edi Rama ka bërë shembull një mjek profesionist, që paguhet shtrenjtë dhe nga spitalet private, për të na terrorizuar ne të tjerëve.

Ai do të na tregojë se kur të dojë, mund të trokasë në portën e shtëpisë sonë dhe të na kontrollojë sa para kemi në shtëpi.

Për këtë, kemi të dhëna se ai ka bërë eksplorime dhe me mjete të sofistifikuara në disa vila në Lalëz dhe rrotull tyre.

Për këtë duhet të marrim masa, që çdo kursim i yni të mos bjerë në dorë të armikut.

Së pari, duhet të shmanget mbajtja e parave në shtëpitë tona, por duhen çuar tek të afërm modestë, që nuk bien në sy për pasuri.

Një pjesë të kursimeve duhet t’i dorëzojmë në arkën qëndrore të LSI, pasi aty i justifikojmë me kuotat e anëtarësisë së LSI dhe nuk na i prekin dot.

Çdo zyrtar i LSI duhet të ketë gati një listë burimesh të ardhurash shtesë, që justifikojnë të ardhurat e tyre këto vite.

Por ajo që është më e rëndësishme, është që në këtë fillim fushate, lekët e tepërta duhet t’i dorëzohen Shtabit Qendror, që të investohen në fushatë dhe të rikthehen fuqishëm pas fushate.

Duke i kthyer lekët në vota, pastaj votat do kthehen në pushtet, pushteti në lekë dhe kështu ato humbasin origjinën e tyre të vjetër, dhe nuk ka burrë nëne t’i hetojë më.

Kjo është rruga më e sigurtë.

E vetmja kundërpërgjigje dinjitoze ndaj Edi Ramës është t’i investojmë lekët në vota.

Aty s’na i marrin dot më, përkundrazi kemi mundësi t’i shesim shtrenjtë pas zgjedhjeve”.