Pas deklaratës së fortë të Monikës kundër ambasadorëve që lënë me barrë vajzat shqiptare, kanë reaguar disa shoqata feministe në Tiranë, të cilat akuzojnë Kryemadhin për diskriminim gjinor dhe i kërkojnë asaj të tërheqë deklaratën.
Në deklaratë thuhet:
“Jemi të indinjuara nga deklarata e zonjës Kryemadhi, që diplomatët e huaj lënë me barrë vajzat shqiptare.
Seksi dhe dashuria nuk kanë kufij, etni, racë apo ngjyrë dhe askush nuk mund të ndalojë aksënd të lidhet me kë dëshiron dhe të ketë jetën e tij private.
Prirja e zonjës Kryemadhi që vajzat shqiptare të mos bëjnë seks me të huaj, është një rudiment primitiv i kohës së komunizmit, për të cilin ajo duhet të kërkojë ndjesë.
Nga ana tjetër kemi shumë diplomate femra në Tiranë.
Kjo, sipas zonjës Kryemadhi, i bie që ato të mos lidhen me meshkuj shqiptarë, por vetëm me të huaj.
Ky është diskriminim i hapur.”
Në përgjigje të këtyre deklaratave, Bilushi i Metës sqaron:
“Zonja Kryemadhi si femër është e interesuar se kush nga meshkujt ambasador merret me femra në Shqipëri.
Ajo nuk është e interesuar për gratë ambasadore, pasi nuk ka devijacione seksuale.
Ndaj shqetësimi i shoqatave feministe është spekullim, ose keqkuptim.
Nga ana tjetër, zonja Kryemadhi beson se të dashurat e diplomatëve të huaj në Tiranë janë agjente të Edi Ramës, që ai ua fut ambasadorëve që ata të flasin mirë për qeverinë.
Ky është problemi kryesor që ajo ka në këtë histori.
Fakti që disa prej tyre mbeten me barrë, është vazhdimi i përpjekjeve të Edi Ramës për shkombëtarizimin e shoqërisë shqiptare”.