Ka ngjallur shumë dyshime në PD pse Meta ka drekuar vetëm për vetëm me Voltanën në Shkodër. Ishte interesante se në drekë, nuk kanë marrë pjesë, as njerëz të afërt të Metës nga LSI në Shkodër, as nga PD.
Bilushi i Metës e sqaroi këtë dyshim, në një komunikim me gazetarët:
“Dreka e zotit Meta në Shkodër me zonjën Voltana, kishte lidhje me 30 Qershorin. Meta i kërkoi Voltanës t’i qëndrojë kërkesës së saj në Kushtetuese, se zgjedhjet janë të paligjshme.
Deri më sot e vetmja që ka mbështetur Metën dhe ka pranuar dekretin e tij për zgjedhjet më 13 tetor, mbetet Voltana. Të gjithë të tjerët kanë tradhëtuar dhe janë pajtuar me situatën e krijuar.
Pas kësaj bisede është folur për zgjedhjet e reja të 25 Prillit. Voltana i ka dhënë fjalën se nëse Luli nuk vendos listën e saj në Shkodër, atëhere ajo do t’i kalojë votat e saj nga LSI.
Pavarësisht se çfarë është thënë, dreka ka qenë modeste. Meta është përpjekur të porosisë disa karkaleca dhe prodhime deti. Dhe kjo është bërë me qëllim.
Meta e publikoi me qëllim drekën e tij të varfër me Voltanën që të bënte përshtypje dreka me mish tek Nusreti. Ndaj demokratët nuk duhet të bëhen xhelozë. Ajo foto u postua për të treguar diferencën mes Metës dhe Rilindjes. Nuk ka lidhje me ndonjë aleancë me Voltanën kundër PD”.