Pas lajmit se Monika kishte kaluar COVID në ilegalitet të plotë, Bilushi i Metës zbuloi para gazetarëve arsyen përse tani ajo e bëri publike këtë ngjarje të rëndësishme në jetën e saj:
“Të dashur gazetarë!
Jam përballur këto 24 orë me interesin tuaj të lartë për mënyrën se si Monika ka ruajtur sekretin për infektimin nga COVID19.
Vendimi për të ruajtur sekretin është çështje ideologjike e partisë së saj dhe nuk ka lidhje me presidentin.
Monika përjetoi një periudhë të errët, kur mendonte se virusin e solli Sorosi me porosi të Edi Ramës për të shkatërruar opozitën, pasi ajo po dilte fitimtare në këtë betejë.
Dhe për këtë vendosi të hidhet në luftë, duke shpallur një betejë fallco, që nuk ekziston, dhe luftë me mullinjtë e erës.
Kjo bëri që ajo të sëmurej nga pakujdesia dhe çfarë është më e keqja, t’ia transmetonte këtë virus dhe Tit Vasilit.
E dëshpëruar dhe në gjendje të rëndë psikologjike, ajo fajësonte për këtë situatë Ilir Metën, i cili përpiqej të ruhej nga virusi për vete.
Për këtë mori vendim që të shkonte ta puthte në buzë dhe ta infektonte dhe atë.
Por çudia ndodhi që u infektua sekretarja e Metës, dhe ai nuk u infektua.
Në këto kushte, ajo u nis drejt Italisë duke i thënë Metës se do bënte një ndërhyrje plastike.
Në fakt, shkoi dhe u kurua për COVID19.
Kështu u ruajt sekreti dhe nuk u muar vesh asgjë.
Ajo priste nga dita në ditë të infektohej Ilir Meta.
Kur u kthye, ai ishte si kokrra e mollës, kurse gjithë kabineti i tij, përfshi dhe sekretaren, ishin me COVID.
Atëherë ajo vendosi të nxirrte sekretin.
Për këtë ju desh të bënte një ndryshim në Kongres, ku u miratua një rezolutë që njihte COVID19 si sëmundje ngjitëse dhe rekomandonte masa kundër tij.
Kjo ishte dhe risia më e madhe e Kongresit”.