Presidenti Meta ka krijuar sot një Komitet anti-qeveritar për COVID, detyra e të cilit është të sulmojë Komitetin qeveritar për COVID.
Bilushi i Metës, në një deklaratë për shtyp shpjegoi skemën e presidentit:
“Të dashur gazetarë!
Pasi Edi Rama injoroi për muaj me radhë planin me 5 pika të Lulzim Bashës, aq shumë sa ai tani ka harruar dhe pikat,
pasi Edi Rami ka gjobitur për maskë dhe ka shoqëruar në polici Kaç Islamin,
pasi Edi Rama ka gjobitur Monika Kryemadhin dhe e ka fyer si doktoreshë të dështuar,
pasi Edi Rama ka gjurmuar dhe filmuar gjithë drekat dhe darkat e presidentit nëpër Shqipëri, ku ai ha e pi i gëzuar me popullin,
pasi Edi Rama po kërkon të na fusë friken në palcë nga vala e dytë e COVID,
pasi Edi Rama po synon të na lërë pa fushatë elektorale për shkak të COVID,
Atëherë presidenti Meta vendosi krijimin e Komitetit anti-qeveritar të COVID.
Komiteti ka në krye zotin Panariti, veteriner i njohur, i cili është marrë me studime gjenetikë tek bagëtitë, të cilat vlejnë dhe për njerëzit.
Në përbërje të Komitetit pritet të hyjë shpejt dhe Tit Vasili, i cili do t’i dhurojë dhe gjak me antitrupa anëtarëve të Komitetit, dhe veçanërisht presidentit Meta.
Anëtarët e tjerë të Komitetit do të jenë part time dhe do të sugjerojnë çdo ditë një idë kundër Komitetit qeveritar.
Ideja është se ne duhet të testojmë besimin e popullit para zgjedhjeve.
Meqë Edi Rama po kandidon si kryemjek, atëherë dhe ne do provojmë të shikojmë se kë do besojë populli, ne apo atë.
Ju e dini që Ilir Meta është dashnor i referendumeve.
Ky është referendumi i parë i tij.
Tani të shikojmë se cilin mjek do besojnë shqiptarët!”