Me rastin e 28 Nëntorit, festës kombëtare, presidenti Meta ka përgatitur sivjet një surprizë të veçantë.
Meqë ky vit zbuloi tek ai shpirtin patriot dhe nacionalist, të cilin nuk e kishte kuptuar më parë, Meta ka vendosur të prodhojë një dekoratë të re, me të cilin do të nderojë një grup të madh personalitesh.
Surpriza është se dekorata do mbajë emrin Ismail Qemali, për nder të “Babait të kombit”, dhe do të përdoret çdo 28 nëntor.
Në listën e personaliteteve që do të dekorohen mes të tjerëve do të jenë.
1-Monika Kryemadhi si sifduese e COVID 19, që me shëmbullin e saj ka ndikuar në heqjen e makthit tek qindra mijëra njerëz.
Ky është kontributi më i madh që një politikan ka dhënë në kohë krize kundër makthit nga COVID.
2-Tit Vasili, si shok i Tit Vargut, i cili mund të na gjejë një aparaturë që na shpëton nga vdekja.
3-Tan Shehut, që gjatë gjithë fushatës së pandemisë ka qenë i papërtuar për të thënë gjithmonë të kundërtën e asaj që thoshte Komiteti anit-Covid dhe nuk i mban inat asnjë njeri.
4-“Ushtarin e panjohur”, që është punonjës i LSI-së në morgun e Tiranës, i cili arriti të fotografojë kufomat në morg.
5-Doktor Berishën, që i ka bërë të ndërgjegjshëm njerëzit se çfarë është vdekja, duke ua përmendur përditë.
6-Lulzim Bashën, që të metën e tij të madhe, që ngatërrohet në çdo llogari, arriti ta kthejë në favor, duke llogaritur të vdekurit nga Covid.
7-Mond Panaritin, që ka braktisur profesionin e veterinerit dhe po i shërben presidentit .
8-Zonjës Eni Vasili, që me mimikën e saj dhe gjestet e duhura, ka arritur të ndërgjegjësojë popullin që duhet të bëjnë kujdes, se mund të përfundojnë dhe tek emisioni i saj.
9-Zotin Fatmir Mediu, që ju kujton shqiptarëve se sapo të mbarojë pandemia në prill, ai do vijë në pushtet të luftojë korrupsionin.
Kjo i bën njerëzit të mos i ndiejnë shumë pasojat e pandemisë
10-Zotin Safet Gjiçi për merita të veçanta në zbulmin e kolaboracionistëve të Gjykatës Speciale.
Për shkak të ligjit, meqë nuk lejohet grumbullimi më shumë se dhjetë veta, po publikojmë vetëm dhjetëshen e parë.