Ndryshe nga gjithë pjesa tjetër e botës, Suedia është i vetmi vend që është duke regjistruar numrin e më të ulët të rasteve Covid-19 që nga fillimi i pandemisë. Arsyeja, sipas ekspertëve të vendit nordik, është se Suedia është e para që ka arritur imunitetin e tufës.
Suedia ka aktualisht 28 raste për 100,000 njerëz krahasuar me 69 në Mbretërine e Bashkuar dhe vendet e tjera të zhvilluara të Europës si Italia, Spanja, dhe Franca. Analistët suedeze thonë se vendi i tyre ka fituar betejën me koronavirusin, pasi duke refuzuar mbylljen e vendit, arriti imunitetin të tufës. Ata kanë nisur një testim seriologjik në masë për ta parë sa përqind e popullsisë e ka kaluar koronavirusin.
Kombi Skandinav aktualisht vazhdon të regjistrojë numrin më të ulët të rasteve që nga marsi. Suedia ishte i vetmi vend në Evropë, që nuk aplikoi masa të rrepta bllokimi, apo izolimi, në fillim të pandemisë. Shkencëtarët besojnë se kjo mund ta ketë çuar në shmangien e një valë të dytë.
Profesori Kim Sneppen, një ekspert në Institutin Niels Bohr të Kopenhagenit, tha se Suedia ka arsye të forta për të betuar se mund ta kenë fituar betejën e pandeminë. “Ka disa prova që vërtetojnë se suedezët kanë krijuar një shkallë të lartë imuniteti ndaj virusit, e cila, së bashku me atë që po bëjnë për të ndaluar përhapjen, është e mjaftueshme për të kontrolluar sëmundjen”, shprehet ai. “Virusi tani mund ta ketë mbyllur ciklin në Suedi”.
Suedia fillimisht u kritikua për strategjinë e saj për shkak të numrit të lartë të të infektuarve pas shpërthimit dhe rritjes së vdekshmërisë nga Covid-19, e cila ishte pesë herë më e madhe se ajo e Danimarkës dhe dhjetë herë më e lartë se ajo e vendeve të tjera fqinje, Norvegjisë dhe Finlandës.
Numri i vdekjeve për 24 orë arriti kulmin në prill me 115 viktima, por më shumë se gjysma e tyre ishin në shtëpitë e kujdesit për të moshuar, ose azile.
Por mesatarja ditore për vdekjet e lidhura me koronavirusin është tani zero. Epidemiologu shtetëror suedez Anders Tegnell, i cili është bërë fytyra e strategjisë për të përballuar pandeminë pa qenë nevoja e bllokimit, tha në një intervistë të fundit se masat vullnetare të higjienës ishin ‘po aq efektive’, sa mbyllja e plotë e vendit skandinav.
Suedia mbajti shkollat të hapura për fëmijët nën 16 vjeç, ndaloi mbledhjet e më shumë se 50 personave dhe u tha moshave mbi 70 vjeç dhe grupeve të prekshme, që të izolohen.Dyqanet, baret dhe restorantet qëndruan të hapura gjatë gjithë pandemisë dhe mbajtja e maskave nuk është këshilluar nga qeveria.
“Rastet në rënie të shpejtë që ne shohim në Suedi tani janë një tjetër tregues që mund të ulet numri i rasteve pa qenë nevoja e një bllokimi të plotë”, tha eksperti.(SI)