Këngëtarja e këngëve popullore Luljeta Përbasha ishte e ftuar në “ Shqipëria Live” për të rrëfyer gjendjen ku ndodhet ajo tani.
Përbasha i ka bërë thirrjeve të gjitha institucioneve shtetëtore, por edhe organizatave joqeveritare që ta ndihmojnë për ndërtimin e një shtëpie të re.
“ Ju bëj thirrje biznesmenave, diasporës, institucionëve, kryeministrit Edi Rama më ndihmoni për ndërtimin e një shtëpie të re, pasi kjo ku jam tani rrezikon të shembet.
Fëmijët e mi nuk rrinë brenda, vajzat e mia flenë tëk shoqet e veta, pasi këtu nuk kanë ku të flejnë. Dua ta ndjej edhe unë ngrohtësinë e tyre”, është shprehur këngëtarja.
Gjithashtu ajo ka rrëfyer edhe momentin kur e kanë hequr nga puna e mësuesit.
“Ish-kryetari i bashkisë së Devollit, Bledion Nallbati më hoqi nga puna, më gënjeu duke më thënë se po mbyllet si vend pune, por emëroi një tjetër person.
Madje për këtë çështje, kam takuar edhe kryetarin e Partisë Demokratike, Lulzim Basha dhe i kam thënë që po më heq nga puna dhe Basha më ka premtuar se nuk do më heqe”, tha Përbasha e cila jeton në qytetin e Bilishtit.
Këngëtarja mirditore jeton vetëm me burrin e saj të paralizuar dhe që prej vitesh nuk mundet të lëvizë nga shtrati./Top-Channel