Edhe pse vaksina e anti-covid nuk është bërë me detyrim, kjo është kamarierja që e ka refuzuar dhe e ka pësuar keq nga drejtuesi i saj.
Kamarierja është pushuar nga puna pasi i dërgoi një mesazh shefit të saj ku i thoshte se nuk mund të bënte vaksinën kundër Covid-19.Arsyeja pse kamarierja nuk dëshironte të vaksinohej ishte sepse ajo dhe burri i saj po përpiqeshin të bënin fëmijë.
“Unë isha e sinqertë, kam rezervat e mia për këtë, fola me një mjek dhe më tha që nuk ka problem dhe nëse nuk vaksinohesh”- u shpreh kamerierja Bonnie Jacobson.
Ajo tha se pronari i saj i kishte thënë në fillim se vaksina nuk është e detyrueshme por më pas i dërgoi mesazh duke i thënë se ishte e pushuar.
Qendra Amerikane për Kontrollin dhe Parandalimin e Sëmundjeve thotë se janë të panjohura efektet e vaksinës tek gratë shtatzëna, prandaj nuk është e këshillueshme që të bëhet.
“Sapo New York lejoi punëtorët e restoranteve të merrnin vaksinën Covid-19, ne menduam se kjo ishte mundësia e përsosur për të vendosur një plan për të mbajtur ekipin tonë dhe mysafirët e sigurt.
Askush nuk është përballur me këto sfida më parë dhe ne morëm një vendim që menduam se do të ishte më e mira për të gjithë” – tha pronari i lokalit Billy Durney.