Këngëtari i famshëm amerikan, Bruce Williamson është ndarë nga jeta në moshën 50-vjecare pasi ka humbur betejën me koronavirusin. Lajmin e konfirmoi vetë djali i këngëtarit nëpërmjet një postimi prekës në rrjete sociale.
“Nuk ka fjalë në botë që mund ta shprehin atë çfarë ndiej në këtë moment, të dua shumë babi, faleminderit që je i mrekullueshëm, faleminderit që je ai që je. I lutem Zotit të takohemi sërish”, shkroi ai.
Bruce iu bashkua grupit Temptations në vitin 98′ duke u kthyer në vokalistin kryesor dhe mori pjesë në shumë koncerte. Hitet e tyre ishin “My Girl”, “The Way You Do the Things You Do” dhe “Ain’t Too Proud To Beg”.