Këngëtari i njohur grek Notis Sfakianakis u ndalua mbrëmjen e djeshme, në orën 20.00, pas një kontrolli rutinë për Covid-19 nga policia.
Këngëtari i famshëm grek kishte leje të udhëtonte me makinën e tij, edhe pse u ndalua nga policia për një kontroll rutinë për disponim apo jo të lejedaljes.
Njëri prej policëve i kërkoi këngëtarit të hapte çantën e tij, ku këngëtari mbante një pistoletë 9mm, një elektroshok dhe 2 gram kokainë.
Burimet nga media e huaj pohojnë, se këngëtari u arrestua pasi në çantë iu gjet një sasi droge e llojit kokainë dhe një armë e pa licensuar.
Këngëtari dëshmoi para policëve se sasia e drogës e gjetur në makinë ishte për përdorim personal, ndërsa armën e mbante sepse ndihej i kërcënuar dhe në rrezik.
Notis pranoi se armës së tij i ka skaduar licenca dhe nuk e ka rinovuar, por se më përpara e ka pasur një të tillë.
Notis Sfakianakis është një nga artistët më të suksesshëm të të gjitha kohërave në Greqi dhe Qipro dhe ka shumë ndjekës dhe në Shqipëri, të cilën e vizitoi në vitin 2018 dhe mbajti një koncert.
Ai e nisi karrierën e tij në 1985 në klube nate, por u zbulua nga Sony Greece në 1991. Ai ka lëshuar një seri albumesh multi-platin që janë ndër këngët më të njohura në historinë e muzikës greke.
Kënga e tij nënshkruese, ‘O Aetos’ (Shqiponja), është një nga këngët më të njohura në historinë e muzikës greke.
Së bashku me suksesin në muzikë, Sfakianakis është i njohur për imazhin e tij të diskutueshëm dhe natyrën e tij të hapur.
Në fund të viteve nëntëdhjetë, ai tha në një intervistë se kanabisi duhet të legalizohej në Greqi dhe kishte pranuar se ai kishte qenë një përdorues i zakonshëm i kanabisit, duke deklaruar se është në të njëjtën mënyrë, në mos më pak e dëmshme, sesa substancat e shpërndara ligjërisht si duhani ose alkooli.
Ai gjithashtu kishte bërë deklarata në mbështetje të partisë neonaziste “Agimi i Artë” dhe kishte kundërshtuar burgosjen e liderit të saj, Nikos Mihaliolakis.
Madje, para koncertit në Shqipëri, gazetari e pyet se është komentuar gjatë në mediat vendase nga një deklaratë që thuhet që i keni quajtur Shqipërinë dhe specifikisht shqiptarët racë inferiore?
Notis u përgjigj se: Këto janë fjalë që nuk i kam thënë kurrë. Mediat më kanë manipuluar. Fakti që këtu jemi në Iliri, kjo i thotë të gjitha… Ju dua shumë…
Këto deklarata rezultuan në ndërprerjen e bashkëpunimit të tij në skenë me këngëtaren e njohur Despina Vandi, e cila ka deklaruar se vjen nga një familje emigrantësh dhe ndjehet e fyer thellë nga mbështetja e Sfakianakis për “Agimin e Artë”.
Nuk është hera e parë që Sfakianakis ndalohet nga policia, por kësaj here, këngëtari e ka punën keq me drejtësinë./Ekskluzive.al