Janë tre ministra të rëndësishme të kabinetit qeveritarë që sipas aktivistëve të Qendresës Qytetare janë Evis Kushi, Anila Denaj dhe Blendi Klosi.
Ministri i Brendshëm delegoi kompetencat tek zëvendesminstri për t’iu dedikuar fushatës elektorale në Gjirokastër.
Por janë tre ministra të tjerë që janë vënë nën lupën e aktivistëve të cilët konsiderohen në braktisje të vendit të punës për shkak të angazhimit të tyre në fushatën elektorale dhe ata janë Evis Kushi, Anila Denaj dhe Blendi Klosi.
Sipas aktivistëve, ministrat janë kthyer në turistë të fushatës elektorale, ndërkohë që janë tre që u kërkohet vëmendje e posaçme, veçanerisht në kohë pandemie.
Ministrat janë persona politikë, por me fuqi ekzekutive që u jep ligji dhe qëndresa qytetare i përfshin gjithashtu ata tek ndalimet me ligj të angazhimit në fushatë elektorale gjatë orarit të punës.
Aktivistët thonë se edhe për këtë fushatë zgjedhore ka vijuar sjellja e përgjithshme e institucioneve kryesore të vendit që përfshihen në fushatë, duke neglizhuar shërbimet ndaj qytetarëve.