Vajza e artistit Robert Aliaj i bëri krenarë gjithë shqiptarët duke rrëmbyer vendin e parë në “The Voice Kids” në Blegjikë.
Gala tërhoqi vëmendjen e të gjithëve me stilin e saj të veçantë, por edhe me një detaj që bëri për vete shqiptarët.
Ajo mban në dorë një unazë me shqiponjë, e cila zgjoi krenarinë e çdokujt që e ndoqi këngëtaren në spektakël.
Mirëpo, duket se ky nuk është detaji i vetëm shqiptar që e lidh Galën me Shqipërinë. Më të fundit e ka zbuluar babai i saj, Roberti në një lidhje direkte nga Belgjika për ‘ABC e Mëngjesit’.
Kënga e saj e parë “Contagious”, e sapolançuar në bashkëpunim me emrin e label-it më të njohur ndërkombëtar, Universal Music ka një element shqiptar në tekstin e saj. Roberti ka ftuar të gjithë atdhetarët ta gjejnë në formën e një kuizi dhe ai që e gjen do të ketë mundësinë të fitojë një t-shirt me firmën e Galës.