S’ka si të mos biesh,
thellë në mendime,
se tani PD-ja,
bën edhe “përgjime”!
Kur e pashë “përgjimin”,
vetvehtes i thashë,
si mundet-o Zot,
që janë kaq të trashë?!
Të tre moskutjerët,
që nxorri Lulashi,
paskan kapur Gonin,
në trafik hashashi!
Kur gjithë Vatani,
zien nga kjo punë,
vllain e ministrit,
në trafik e zunë?!
Tamam pas skenarit,
përgjimi ka ndodhur,
që e bënë të ditur,
tri burra të lodhur!
I pari në radhë,
Alibe komiku,
dhe vulën e vuri,
Ervin erotiku!
Agronit ju qepën,
po ai nuk ruhej,
se fiks ky “përgjim”,
shqupishtes i duhej!
I duhej patjetër,
treshes së paepur,
që me pë të zi,
mbi të bardhë kanë qepur!
I gjithë ky “përgjim”,
është një vrimë në ujë,
vetëm për të bërë,
zhurmë dhe rrëmujë!
Është kundër Fatmirit,
gjithë kjo përpjekje,
që ta lënë nervat,
dhe të bëjë dorëheqje!
SHQUPI po jeton,
kohën e kolerës,
pse s’e nxorri Gonen,
në krye të herës?!
Që kur Xhafa qe,
Njësh tek Drejtësia?!
Tash-që negociatat,
mos hapë Shqipëria!?
Po që nga fillimi,
ky ka qënë qëllimi,
ndaj edhe patjetër,
u duhej mashtrimi!
Do qepej e bardha,
me perin e zi,
se “përgjimi” s’shkon,
në prokurori!
E di Alibeaj,
që nuk mund të çohet,
se ka shkelur ligjin,
edhe arrestohet!
Sepse e di mirë,
ky pis mulahim,
se përgjim nuk bëhet,
pa autorizim!
Se përgjimi s’bëhet,
pa autorizim,
po ky po na del,
një improvizim!
Po që Alibeaj,
me kaq mos shpëtojë,
duhet Agron Xhafa,
në gjykatë ta çojë!
Nesër mund të vemi,
në një prag skandali,
se i gjithë përgjimi,
shpifje mund të dali!
Sepse ca taktika,
SHQUPI i di mirë,
sulmi është gjithnjë,
mbrojtja më e mirë!
Arben Duka