Paraditen e sotme, nënkryetari i LSI, Petrit Vasili i kërkoi SPAK-ut që të hetojë përgjimet e publikuara për lidhje të Ndragheta-s italiane me disa shqiptarë në Tiranë.
Në përgjimet në fjalë, mafiozët italianë përmendnin edhe Presidentin Ilir Meta, për të cilin njëri nga mafiozet e përgjuar i premtonte një tjetri se do ta prezantonte me Presidentin e shqiptarëve.
Nuk kuptohet nëse Vasili ka ftuar SPAK-un të hetojë edhe lidhjet e Ilir Metës me Ndragheta-n italiane.
Megaoperacioni i autoriteteve italiane ka zbuluar se në Shqipëri është një kompani që kryen pastrim parash dhe mbi të gjitha kryen lidhjen mes qeverisë shqiptare dhe figurave të grupeve mafioze!
Biznesmeni Besnik Halili së bashku me figura të tjera të njohura në shtetin italian kanë dalë në dritë pas përgjimeve që u nisën nga finalizimit i megaoperacionit italian.
Falë aksionit policor u vuri në pranga 50 persona, biznesmenë, e anëtarë të klanit Ndrangheta që kishin lidhje me qeveritarë e biznesmenë në Shqipëri. Të gjithë akuzohen se janë pjesë e një afere korruptive prej 250 milionë eurosh.