Gjatë ditës së sotme janë rikthyer reshjet e dëborës në zonat malore të vendit.
Autoritetet Rrugor Shqiptar njofton se në aksin Ura e Zapodit-Shishtavec dhe në Bogë-Theth ka pasur reshje dëbore me intensitet mesatar.
Borëpastrueset janë në aksion për zhbollikimin e rrugëve nga reshjet.
Nga ana tjetër, ARRSH u bën apel drejtuesve të mjeteve që të pajisen me goma dimërore dhe zinxhirë.
“Drejtuesit e mjeteve të pajisen me goma dimërore dhe zinxhirë kur udhëtojnë për në segmentet e mësipërme me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, njofton ARRSH.