Një tjetër episod shkatërrimi është regjistruar gjatë protestës në Lezhë, ku disa të rinj janë filmuar duke goditur dhe dëmtuar instalacionin monumental në formën e një libri kushtuar At Gjergj Fishtës.
Në pamje, të rinjtë shihen teksa kërcejnë mbi monumentin, duke e shkatërruar atë, në një kohë kur protesta është shoqëruar edhe me incidente të tjera ndaj pronës private dhe institucioneve.
Dëmtimi i një vepre kushtuar një prej figurave më të rëndësishme të letërsisë dhe kulturës shqiptare ngre pikëpyetje edhe për kufirin mes protestës dhe vandalizmit, veçanërisht kur objekt i sulmit bëhen simbole kulturore që nuk kanë lidhje të drejtpërdrejtë me konfliktin politik të ditës.