Një ngjarje e rëndë ka tronditur botën e spektaklit dhe konkurseve të bukurisë, pasi Miss Venezuela 2025, Andrea del Val, publikoi një video dramatike nga një hotel në Kanë, ku pretendon se është dhunuar barbarisht nga stilisti i njohur Giovanni Laguna.
Pamjet kanë bërë xhiron e rrjeteve sociale dhe kanë shkaktuar reagime të shumta në opinionin publik ndërkombëtar.
Në videon e publikuar nga vetë modelja 29-vjeçare, Andrea del Val shfaqet me fytyrën e mbuluar me gjak, teksa filmon me telefon ambientin e dhomës së hotelit, ku mobiliet dhe objektet duken të përmbysura dhe të shpërndara në dysheme. Atmosfera në dhomë është kaotike, ndërsa modelja duket e tronditur dhe emocionalisht e rënduar.
Në të njëjtën video shihet edhe stilisti venezuelian Giovanni Laguna, i ulur në një pjesë të dhomës, ndërsa Andrea dëgjohet duke thënë: “Shikoni çfarë më bëri Giovanni Laguna. Urime Giovanni, kjo ishte ajo që doja, që të tregosh kush je në të vërtetë”.
Sipas raportimeve të mediave ndërkombëtare, incidenti ndodhi në një hotel luksoz në Kanë, ku të dy ndodheshin gjatë aktiviteteve të lidhura me eventet e modës dhe Festivalin e Filmit. Mysafirët e hotelit kanë njoftuar menjëherë policinë pasi dëgjuan britma, goditje dhe zhurma të forta që vinin nga dhoma ku ndodhej çifti.
🚨🇻🇪 Miss Venezuela Andrea del Val was brutally attacked in her Cannes hotel room.
Celebrity stylist Giovanni Laguna allegedly stabbed her in the face with scissors during the film festival.https://t.co/MJPhdh9Yio https://t.co/vFuun2ez6s
— Mario Nawfal (@MarioNawfal) May 22, 2026
Pak minuta më vonë, forcat e policisë franceze mbërritën në vendngjarje. Në videot që qarkulluan më pas në rrjetet sociale, Giovanni Laguna shihet duke u shoqëruar nga oficerët jashtë hotelit, ndërsa Andrea del Val po merrte ndihmë mjekësore për plagët e marra.
Sipas burimeve mediatike, modelja është trajtuar menjëherë nga mjekët dhe ndodhet jashtë rrezikut për jetën, megjithatë nuk janë bërë publike detaje të sakta mbi natyrën e dëmtimeve të saj.
Deri tani, autoritetet franceze nuk kanë konfirmuar zyrtarisht nëse ndaj Giovanni Laguna janë ngritur akuza penale, ndërsa çështja mbetet nën hetim. Hetuesit po analizojnë pamjet filmike, dëshmitë e personave të pranishëm në hotel dhe materialet e publikuara në rrjetet sociale për të sqaruar plotësisht rrethanat e incidentit.
#AHORA | 📌 El diseñador y estilista venezolano Giovanni Laguna habría sido detenido en la ciudad de Cannes.
Según los primeros informes, el arresto se efectuó tras un altercado físico en el cual Laguna habría agredido a la Miss Venezuela Global 2025, Andrea del Val.
Vía… pic.twitter.com/M0X3aNkL4k— Por la calle del Medio (@plcdelmedionews) May 20, 2026