Kryetarja e Bashkisë së Shkodrës, Voltana Ademi, ishte e ftuar në “Ditarin” e orës 19:00 në A2CNN foli për situatën aktuale politike dhe për hapat që do të ndërmarrë në vazhdim opozita.
Ajo u pyet, ndër të tjera nëse do të jetë kandidate e opozitës nëse zgjedhjet do të mbahen?
“PD nuk do të regjistrohet në zgjedhje. Unë jam një ndër kandidatët e PD. Jam një kryetare e PD, i përkas forcës politike nga e cila unë jam zgjedhur dhe bashkëndaj të njëjtin qëndrim që ka PD.
Problemi është më i madh dhe ne flasim për sistemin zgjedhor. Duke qenë kështu, askush nga ne nuk mund të marrë përsipër të bëhet pjesë e kriminalitetit të zgjedhjeve. Nuk bëhet fjalë për individë, por për një popull.