Genc Pollo është politikani i dytë në botë pas Donald Trump-it që i mbyllet Twitteri, sipas një njoftimi të tij.
Lajmi ka rënë si bombë në zyrat e opozitës, pasi të gjithë e shikojnë këtë si një truk të Genc Pollos për t’u dukur më i rëndësishëm se të gjithë të tjerët.
Meta thirri Bilushin për ta udhëzuar për situatën.
-Kjo e Pollos është një mashtrim.
Njeriu më i rëndësishëm në Shqipëri për Donald Trump-in kam qenë unë.
Unë kam mbështetur çdo lëvizje të tij dhe kam pritur që edhe ai të na ndihmojë.
Ai në fakt nuk na ndihmoi, por unë e bëra timen.
Pollo nuk ka asnjë argument që ka qenë mbështetës i Trump-it.
-Ai thotë se Twitteri e ka bllokuar, pasi e ka identifikuar si kokëkuq dhe të djathtë dhe algoritmi e ka nxjerrë të përputhur me profilin e Trump-it.
-Kjo është jo serioze, tha Meta.
Vlera kryesore e Trump-it nuk ishin flokët e kuq, por idetë e tij.
Kjo është fyerje për opozitën shqiptare.
Luli harxhoi 100 mijë euro të dilte në foto, Mediu ndenji në shi para hotelit mos takonte djalin e tij, Xhelali i vuri emër rrugës në Kamëz, Tritani veshi furgonin e fushatës në Gjirokastër me foton e tij me Lulin, kurse Pollo tallej me ne atëhere.
Tani si u bë ky me Trump-in?
-Ndoshta e ka mbyllur dhe vetë dhe do të bëjë si interesant, i tha Bilushi.
Do jetë bezdisur nga komentet e Bujar Nishanit në çdo Twitter.
-Po pra. Ja më kujtove Bujarin.
Po të nisej nga kriteri i budallait, Twitteri do kishte bllokuar Jarin.
Atë se ka bllokuar, dhe pse u përzihet në komente gjithë liderëve të botës.
-Ke shume të drejtë shef. Do t’i shkruaj Twitter-it t’ia hapë llogarinë, se po spekulon që të duket i rëndësishëm në Shqipëri.
Ata s’mund të veprojnë me kokë të tyre.
Po duan kokë kuq, u gjejmë kokë kuq, se i ngjyejmë flokët, por jo kë të duan ata.