Sot më 24 mars, Meta ka ditëlindjen dhe Bilushi kujton bujën që bëri ditëlindja e madhe e Metës më 2014.
Mbi 1 mijë të ftuar me dhurata të shtrenjta, në një çadër të improvizuar si Kadafi në Gjirin e Lalzit, me palma të mbjellura enkas, banja të improvizuara dhe atmosferë festive, u festua me madhështi ditëlindja e tij.
Gazetat publikuan fotot dhe pati një zemërim të madh publik për festën e shfrenuar.
Prej asaj dite, çdo ditë duhet të fshiheshin fotot dhe pamjet nga festa.
Sot 7 vite më vonë, Ilir Meta e përkujtoi ndryshe ditëlindjen e tij.
Ai nuk publikoi fotot e ditëlindjes së madhe, por foton e shtëpisë së gjyshit, që ka qenë spital partizan.
Kjo është një përgjigje e tërthortë për të gjithtë ata që thonë që Meta është i çmendur, për t’u treguar atyre, se ai ka lindur në spital dhe nuk i trembet spitalit.
Por puna e Bilushit sot ishte e mundimshme.
Të gjithë gazetarët që janë sot pro Metës, në atë kohë ishin kundër, dhe kanë botuar fotot.
Sot i mori një nga një duke ju lutur të fshijnë fotot.
Disa hezitonin, të tjerët filluan t’i fshijnë.
Pastaj duheshin fshirë dhe shkrimet e tyre.
Thuajse gjithë gazetarët që mbështesin Metën sot, atëhere e kanë sulmuar për ditëlindjen.
Filluan t’i heqin dhe shkrimet.
Në fund filluan të heqin dhe komentet në rrjet.
Pasi mbaroi e gjithë kjo, Bilushi shkoi i raportoi Metës.
-I fshiva të gjitha komentet, shkrimet dhe fotot e ditëlindjes së 2014, i tha.
Ishte kollaj se na kishin sharrë vetëm këta tanët.
-Po çfarë u the që i binde, pyeti Meta?
-U thashë që ditëlindjen ja organizoi Edi Rama, që ta korruptonte.
Por ai e kuptoi dhe pas asaj u distancua nga Rama.
-Të vërtetën iu ke thënë, i tha Meta.
Ai donte të më korruptonte me lluks dhe miliona, por nuk ja doli dot.
Se nuk korruptohet pasardhësi i Margarita Tutulanit dhe Vojo Kushit, ta dijë mirë ai pis.