Pas një ankete provokuese të Top Channel-it, që pyeste nëse duhej mbyllur dhe Facebook-u i Doktorit, pas atij të Trump-it, Bilushi i Metës prezantoi planin për mbijetesë, në rast të këtij sulmi:
“Të dashur miq!
Sulmi që po përgatitet ndaj Facebook-ut të Doktorit është një sulm kriminal.
Nga të dhënat tona, disa oligarkë të Shqipërisë, që kanë marrë tenderat e fundit, kanë kontaktuar me Zukenbergun dhe i kanë paraqitur argumente të rreme, sikur Doktori dhe Trumpi janë vëllezër.
Për këtë ata kanë marrë gjithë fjalimet e Doktorit, ja kanë përkthyer me manipulime, për t’i treguar se këto që ka bërë Trumpi sot, Doktori i ka bërë që më 1998 në Shqipëri.
Më pas i kanë përkthyer deklaratat e qëndrimet e Doktorit, që janë identike si këto të Trump-it sot.
Në fund ata kanë dashur të provojnë se të gjithë idetë e Trump-it janë kopje të ideve të Doktorit.
Fjala vjen, ka akuza të tilla që ky është i vetmi që nuk ka pranuar asnjëherë zgjedhjet në Shqipëri, sa herë ka humbur, që ka sulmuar Parlamentin dhe zyrat e Qeverisë, që ka sulmuar gazetarët dhe ka sulmuar në fund dhe bashkëpunëtorët e vet kur e tradhtojnë, siç i ndodhi Trump-it.
Pra ideja është që Trumpi ka kopjuar Doktorin dhe duhet zhdukur nëna e së keqes.
Ky është një plan djallëzor.
Aq më tepër kur përpiqen të gjejnë dhe ngjashmëri fizike mes Doktorit dhe Trump-it, kur flasin.
Për t’i dalë para kësja të keqe, ne kemi dy alternativa të shpejta.
E para, Doktori të përdorë Facebook-un e Zeni.net, meqë është dhe i sponsorizuar, dhe t’i ndryshoj emrin duke e shkruar thjesht “Babi i Zenit”.
Demokratët do ta kapin mesazhin dhe do vrapojnë aty.
E dyta, është që Luli t’i japë Facebook-un e tij, duke ndryshuar emrin në “Lulzim Basha i Vërteti” .
Kjo nënkupton menjëherë Doktorin dhe gjithçka do vazhdojë normalisht.
I vetmi problem është se kur Doktorit t’i rikthehet Facebook-u, Lulit do t’i duhet shumë punë ta mbajë atë që do t’i lërë Doktori.
Por ne do ta ndihmojmë të gjithë ta përballojë.”