Autoritetet iraniane pretendojnë se kanë rrëzuar një avion luftarak amerikan F-35 Lightning II në Iranin qendror, ndërsa piloti dyshohet se nuk ka mbijetuar.
Lajmi është raportuar nga agjencia gjysmëzyrtare iraniane Mehr News Agency.
Sipas burimeve iraniane, avioni u godit gjatë operacioneve në territorin e vendit, megjithatë deri më tani nuk ka konfirmim për këtë ngjarje.
Gjatë gjithë konfliktit, Irani ka bërë disa herë pretendime për rrëzimin e avionëve amerikanë, por këto deklarata janë mohuar më pas nga pala tjetër ose nuk janë verifikuar nga burime ndërkombëtare.
Situata mbetet e paqartë, ndërsa tensionet në rajon vazhdojnë të rriten mes deklaratave kontradiktore dhe mungesës së konfirmimeve zyrtare.