Personi që shihni në fotot mëposhtë është i riu nga Gjakova, i cili u arrestua nën akuzën e përndjekjes së moderatores së njohur Luana Vjollca.
Konfirmohet se bëhej fjalë për 29-vjeçarin Ajdin Morina, jan siguruar fotot dhe një mesazh që ky i fundit adresonte me fyerje dhe kërcënime për motrat Vjollca, Marina dhe Luana.
Ai shkruante se kush bashkëpunonte me dy motrat, duke i vënë epitete të rënda, do të kishte masakra në familjet e tyre.
Mësohet se 29-vjeçari Ajdin Morina u arrestua në orët e para të mëngjesit. Morina kishte shkuar mëngjesin e sotëm në rrugën pranë banesës së Luana Vjollcës, ndërsa ai është arrestuar në flagrancë.
Të njëjtin person Luana Vjollca e ka denoncuar edhe në maj të 2020 se e përndiqte dhe e ngacmonte prej disa muajsh.
Moderatorja kishte denoncuar në prokurorinë e Tiranës fansin e ‘zjarrtë’ me pretendimin se e përndiqte, duke iu kthyer në burim stresi dhe shqetësimesh.
Kjo është hera e dytë që Vjollca përballet me fansat në organet e drejtësisë. Më herët policia ka arrestuar një tjetër person për përndjekjen e moderatores dhe këngëtares. Po kështu mësohet se ajo lëviz me makinë me shofer për shkak të këtyre problemeve.
