Gazetari Artan Hoxha ka dhënë një deklaratë shokuese mbrëmjen e shkuar.
Ai deklaroi në emisionin “Opinion” se në një nga dëshmitë e tij Nuredin Dumani ka thënë se Ilir Meta ka porositur vrasjen e vëllait të ish-deputetit të Partisë Socialiste Arben Ndoka.
Hoxha thotë se në dëshminë e tij, thuhet se Dumanit i kishte thënë një person i përfshirë në vrasje, se Meta ka porositur vrasjen e Aleksandër Ndokës në vitin 2017.
Deklarata e tij është tronditëse, pasi edhe nëse kjo nuk është e vërtetë, fakti që presidenti i Republikës përflitet si porositës vrasjesh, tregon se në fakt ai ka lidhje me botën e nëndheshme të krimit.
Por kjo nuk është hera e parë që në fakt, Ilir Meta përflitet për vrasje.
Vite më parë ai u akuzua nga Tom Doshi, se kishte porositur vrasjen e tij.
Akuza e Doshit tronditi politikën, duke qenë se Ilir Meta ishte në koalicion me socialistët dhe rrezikohej të rrëzohej Qeveria.
Atëherë çështja u zgjidh duke u “distancuar” nga Doshi, por tashmë emri i Ilir Metës del përsëri si porositës vrasjesh.
Nuk mjafton që konsiderohet si politikani më i korruptuar në vend, por Metës tani i shtohet edhe një “cilësi” e re në background-in e tij politik.
Ndërkohë, edhe pse kjo është një akuzë e rëndë, është kaluar në heshtje nga ana e mediave.
Edhe pse presidenti i vendit përmendet për porositje vrasjesh, askush nuk e ka raportuar si lajm, ndërkohë që e kundërta ndodh kur përmenden emra të tjerë nga i njëjti gazetar, se ndoshta justifikohen me argumentin se është thashethem e burimi i lajmit nuk është i besueshëm.