Mijëra vetë u mblodhën në Otava të dielën, një ditë pas demonstruesit zbritën në kryeqytetin kanadez në një protestë kundër kryeministrit Justin Trudeau dhe pasaportën së vaksinimit kundër Covid-19.
Me mijëra vetë bllokuan të dielën rrugët kryesore, duke zaptuar kryeqytetin Otava, kundër vendimit të dy javëve më parë të kryeministrit për vaksinim me detyrim, për industrinë e kamionëve.
Sipas këtij vendimi, të gjitha drejtuesit e kamionëve të pavaksinuar, që rihyjnë në Kanada nga Shtetet e Bashkuara, do të duhet të testohen fillimisht e më pas të vetizolohen. Kaq mjaftoi që mijëra vetë, punonjës të sektorit por edhe qytetarë të thjeshtë, të dalin në rrugë në protestë, me dhjetëra kamionë e makina që bllokuan krejt rrugët që të çojnë drejt parlamentit, duke paralajmëruar se nuk do t’i heqin makinat prej andej deri në tërheqjen e këtij vendimi.
Edhe pse protestat ishin paqësore, me shumë pak incidente të shënuara, sipas policisë, për arsye sigurie, kryeministri dhe familja e tij u larguan të shtunën nga Otava.
Thuajse 90% e drejtuesve të kamionëve, që punojnë me rrugë nga SHBA por edhe 79% e popullsisë kanadeze janë vaksinuar tashmë me 2 doza. Kanadaja është aktualisht në pikun e valës së variantit Omicron, me rastet në rritje, bashkë me to edhe shtrimet në spitale.