Opozita do ta zhvendosë aksionin e saj jashtë kufijve të Shqipërisë. Mësohet se 30 deputetë do të protestojnë para Parlamentit Europian në Strasburg.
Protesta, e cila ishte paralajmëruar nga opozita, është parashikuar të zhvillohet në datën 23 tetor, datë që përkon me zhvillimin e seancës plenare në PE.
Është e para herë në historinë e vendit, që deputetë të një force politike do të protestojnë përpara institucioneve të Parlamentit Europian.
Ka qenë Belind Këlliçi, i cili ditën e protestës deklaroi se do të protestojnë para institucioneve ndërkombëtare.
“Protesta do të përshkallëzohet. Nuk është e thënë se do të bëhet vetëm në sheshe dhe rrugët e kryeqytetit, do ta zhvendosim te Kuvendi, para Parlamentit Europian, para Komisionit Europian. Do të zhvillohet aty ku ka partnerë që duhet të informohen për realitetin ku ndodhet Shqipëria. Shqipëria është kthyer në narko-shtet”, deklaroi Këlliçi më 7 tetor në një intervistë për emisionin Open në News24.
Politikanë të opozitës kanë shprehur disa herë publikisht habinë se si ka mundësi që brenda kufijve të vendit nuk u ngrihet populli për figura si ata. Madje kanë paralajmëruar se do sulmojnë edhe ata që rrinë kafeneve kur figurat protestojnë.