Një krizë energjie pritet të thellohet akoma më shumë në vendin tonë, kjo për shkak të thatësirës dhe për shkak të shterimit të prurjeve në Liqenin e Fierzës.
Pamjet tregojnë se dita ditës Liqeni i Fierzës, po shkon drejt “vdekjes” duke sjellë ndikim të dukshëm dhe në prodhimin e energjisë.
Ndërkohë ulja e nivelit të ujit ka nxjerrë në sipërfaqe rrënojat e Kukësit të Vjetër. Alarmi për tharjen e Fierzës është ngritur prej ditësh, ndërkohë ministria ka kërkuar nga konsumatorët që të kursejnë sa të munden energjinë.
Këtë të shtunë përmes një postimi në rrjetet sociale ish zëvendësministri i Kulturës, Zef Çuni ka publikuar pamjet e “frikshme” të rënies së nivelit të ujit në liqen.
“Liqeni Kukesit dje tek ura mbi Drinin e Bardhe”, shkruan ai.