Ish-ministri i Drejtësisë, Ylli Manjani ka dalë me një reagim të fortë pas pyetjeve retorike që iu drejtoi sot ambasadorja amerikane Yuri Kim kandidatëve të zgjedhjeve të pjesshme të 6 marsit.
“Pyetje për kandidatët: Nëse sponsori juaj kryesor është dikush i caktuar nga SHBA për korrupsion të konsiderueshëm, çfarë saktësisht po u premtoni votuesve? Kush do t’ju zotërojë nëse fitoni dhe çfarë do t’i detyroheni atyre? Çfarë duhet të presin shqiptarët? Çfarë duhet të presin SHBA?”, shkruante Kim.
Questions for candidates: If your main sponsor is someone designated by the US for significant corruption, what exactly are you promising voters? Who will own you if you win and what will you owe them? What should Albanians expect? What should the US expect?
— Ambassador Yuri Kim (@USAmbAlbania) February 21, 2022
Nisur nga kjo deklaratë e a Kim, Manjani i kërkon Ministrisë së Jashtme të Shqipërisë që të shpallë ‘non grata’ ambasadoren amerikane pasi po ndërhyn në një fushatë elektorale.
Postimi i plotë:
Këtë përgjigje kam për pyetjet e zonjës Kim.
Ndërkohë si shtetas i këtij shteti, i kërkoj Ministres së Jashtëme të vendit tim, ta shpallë nongrata zonjën në fjalë për ndërhyrje në një fushatë elektorale dhe për minim të demokracisë në vend.
Veprimtaria e saj publike është në mbështetje të hapur të vendimeve korruptive të qeverisë dhe opozitës së korruptuar!
Ndërkohë, Ata kandidatë që pyet zonja, i ka zgjedhë direkt anëtarësia dhe asnjë nongratë!
Asnjë kushtetutë e vendeve të NATOS nuk lejon e as pranon ambasadorë të tillë!
Në Amerikë zonja do ishte arrestuar, po tja bënte ndonjë kandidati këtë twitter!