Një shuplakë që do t’i kushtojë rëndë Lionel Messit. Kapiteni i Barcelonës humbi nervat në sekondat e fundit të shtesës ndaj Bilbaos teksa goditi me shuplakë kundërshtarin Villalibre dhe arbitri kryesor e nxori me të kuq pasi pa pamjet në VAR.
Një gjest jo sportiv është konsideruar në Spanjë veprimi i argjentinasit. Marca raporton se ylli argjentinas pritet të pezullohet me 4 ndeshje.
Ndërkohë, kjo ishte hera e parë që Messi ndëshkohet me karton të kuq me Barcelonën. Kartoni i parë i kuq daton me gushtin e largët të vitit 2005, kur goleadori i njohur debutonte me kombëtaren e Argjentinës.
Momenti jo i mirë Barcelonës në këtë sezon, kuptohet qartë në veprimet e Lionel Messit, gjeste që 6-herë fituesi i Topit të Artë nuk i kishte bërë kurrë në të kaluarën.