Pas fitores së katërt të Orbanit, në Hungari, Muli u gëzua shumë, kur dëgjoi se ai ka mundur Xhorxh Sorosin.
I gëzuar shkoi në zyrë të Doktorit për ta uruar.
-E fituam Hungarinë, i tha.
-E fituam, tha Doktori i gëzuar.
Ka arrit një fitore të shëklqyer. Duhet më mësu prej tij.
-Më trego pak, i tha Muli. Si e njeh këtë Orbanin?
-Shiko, është i shkollum në Oksford, me bursë të Sorosit….
-Qenka si Luli d.m.th.. Besëprerë.
Ka marrë lekët e Sorosit dhe e ka tradhtuar.
-Shiko, nuk e ka pas njohur atëherë. Ishte i ri.
Kur e njohu kush ishte, e shpalli armik.
-Po tjetër çfarë ka ndonjë gjë të veçantë?
-Me thënë të drejtën nuk do Perëndimin. E urren.
Dhe nuk ka faj, se i njeh mirë se çfarë janë.
Dhe u ka dhënë një leksion të fortë.
-Qenka si ju Doktor. Ju jeni të parët që i keni thënë këto.
-Po, por ne jemi vend i vogël. Ai është vend i madh.
Plus ka dhe rusët pas. Nuk pyet shumë.
-Edhe Gruevskin e ndihmoi Doktor.
-Patjetër. Ai dhe mua më ka çu fjalë, por i kam thënë fli i qetë se i kam akoma këta të mitë në drejtësi.
Por e ka bë nderin e vet.
-Doktor, unë mendoj të shkoj në Hungari dhe të mësoj si i kanë fituar zgjedhjet.
Na duhet të mësojmë prej tij dhe në teknika.
-Patjetër. Po i shkruaj unë dhe shko bashkë me Albanën, se ajo di dhe anglisht.
-Shumë mire, tha Flamuri, dhe doli i gëzuar nga zyra.
Pastaj mori në telefon ish- deputetin Ruli.
-E more vesh, i tha. Do iki në Hungari të specializohem për zgjedhje, si të mundë Doktori, Sorosin?
-Mirë të ka shkuar mendja mo bir, i tha Ruli.
Po sa të shkosh ti, sa të mësosh anglisht, sa të mësosh dhe teknikat, ka vdekur dhe Sorosi, dhe Doktori.