Pas bisedës së famshme që Muli pati me Lelon për Fundo-rin dhe operacionin e veshëve, ka reaguar autori i batutës origjinale, Ismeti.
Me një letër të sinqertë (por të ashpër), ai kërkon ndreqjen e fjalëve të veta që, sipas tij, janë masakruar:
“I dashur Muli,
Me keqardhje lexova se ke shtrembëruar një batutë timen lidhur me Fundo-rin dhe operacionin e veshëve.
E vërteta është si më poshtë:
Fundo-ri, siç e di, bullizohej për veshët.
Bënte dy punë, edhe te Ridvani, edhe tek ne te Fiksi.
Kishte bërë ca lekë dhe vendosi të bënte operacion.
U zhduk një javë dhe u shfaq me veshët të fashuar.
Nuk po e njihte më njeri.
Njerëzit në redaksi filluan të pëshpërisnin:
“Kush e ka rrahur? Kush ia ka prerë veshin?”
Fjalët erdhën tek unë. Më dërguan për të hetuar.
Pasi e pyeta dhe e sqarova, shkova në redaksi.
— Hë, çfarë kishte, më pyetën të gjithë?
— Asgjë. Fundo-ri ka bërë synet… kokën.
Kaq ishte batuta. Të lutem, mos ma shtrembëro thelbin!
Ka peshë kjo fjali, ka filozofi. Është një sintezë e karakterit të tij”.
Muli e lexoi me vëmendje dhe thirri Lelon.
— Ore, çfarë ka dashur të thotë me këtë që Fundo-ri ka bërë “synet kokën”?
— Atë që thuhet për synetlëkun, i tha Lelo.
Por në këtë rast ka kuptimin që ky bëhet synet nga koka lart, jo si gjithë të tjerët…
Se është i gjithi k**.
— Aaaa, s’më shkoi mendja, tha Muli.
Qenka shumë e bukur!