Pas deklaratës së Gazit se Shqipëria nuk duhet të ndjekë shembullin e Orbanit, Muli u mërzit shumë.
-Këtu ka tradhti, i tha Lelos.
Ne të vetmen shpresë që kemi në Evropë është Orbani, ky thotë nuk duhet ndjekur shembulli i tij.
-Po e ka pas për Ramën, tha Lelo.
E ka në kuptimin që mos na e merr dhe këtë që kemi vetëm se ke mundësi të na e marrësh.
-Jo mo burrë ishte deklaratë e keqe shumë.
Orbani i vetmi që na ka mbështetur.
Ambasadori i Orbanit ka takuar Doktorin.
Meta është me Orbanin.
Argita madje shkoi dhe bleu vilë në Hungari vetëm që në ditë të këqija të strehohej tek Orbani.
Ky shkon e na hedh në erë.
-Nuk është mirë ta zmadhojmë këtë sherr, tha Lelo.
Mendoj që ta kanalizojmë si deklaratë kundër Ramës.
Se na demoralizohen demokratët.
U kemi thënë që në Evropë kemi Orbanin, në Ballkan kemi Mickovskin, në Turqi kemi një kryetar komune afër Stambollit.
-Nuk mbulohet dielli me shoshë, tha Muli.
Ai nuk është budalla. E ka bërë qëllimisht ngaqë Argita ka blerë në vilë në Budapest dhe do t’ia prishë shpresat tek Orbani.
-Nuk besoj, tha Lelo. Kam idenë e ka bërë vetëm të sulmojë Ramën meqë do hapë negociatat këtë javë.
-Atëherë ose bën lojën e Sorosit, ose do të na nxjerrë jashtë loje. Duhet ta ndajmë këtë punë.
-Mirë është të themi që ai ka dash t’i prishë festën Ramës në datë 15 për ti thënë që ti hapi negociatat një antievropian, tha Lelo.
-Puna është që ai antievropiani është i vetmi mik që kemi, tha Muli.
Nuk ka demokrat që e beson. Do ta ketë shumë vështirë në Fier me këtë. Fierakët nuk të falin tek Orbani.