Ideja e përhapur gjerësisht nga armiqtë e PD se ajo parti ka mbaruar fare pasi aty as nuk të rreh njeri e mërziti shumë Mulin.
-Sot duhet të tregojmë veten i tha Lelos. Ky është një opinion shumë shkatërrues për PD. Nëse njerëzit e kuptojnë që ne as nuk të rrahim më morëm fund. Ne për këtë jemi mbajtur deri tani.
-Ke të drejtë i tha Lelo. Dhe unë jam ndjerë shumë keq që nuk kam rrahur kurrë asnjë njeri e jo më ti. Duhet të bëjmë diçka.
-Ja tregoj unë sot në Kuvend tha Muli.
Pas një beteje disorëshe në Kuvend, dhe përplasjes me ushtarët e gardës, Muli pyeti Lelon se si po dukej në ekrane beteja.
-Shumë mirë i tha Lelo. Por deri tani vetëm Strazimirin ke qëlluar dhe e ke shtyrë të dalë në tribunë. Tek të tjerët ke ngelur vetëm në tentativë.
-Po kjo është pikërisht ajo që po na akuzojnë i tha Muli, që s’po rrahim brenda PD. Shtyva Strazon, se ai është dhe më i flakti për Doktorin. Dhe kur shtyj atë të tjerët duhet të mendohen mirë.
-Shumë mirë të ka shkuar mendja tha Lelo. Është shembull i mirë frymëzues. Vetëm se Strazo mund të ta marrë për keq, se e ke prekur në pikën e tij më të dobët, ke dashur t’i tregosh që nuk është gati të vdesë për Doktorin por duhet shtyrë.
-E vërtetë është dhe kjo tha Muli, por kur Strazo e di qëllimin për çfarë e kam bërë ma fal.
Madje është gati të durojë dhe më shumë.