Përgjimet e prokurorisë italiane për Ndranghetan kanë zbuluar të dhëna tronditëse për përfshirjen e mafies italiane në Shqipëri.
Në përgjime përmenden biseda për ndërtime kullash në Tiranë, me qëllim pastrimin e parave.
Aty flitet për korruptimin e zyrtarëve të lartë shqiptarë dhe madje përmendet edhe presidenti Ilir Meta.
Tani jo se nuk dihen lidhjet e krimit me politikanët dhe korrupsioni i këtyre të fundit, por kur të del emri në përgjime edhe në mafien italiane, është paksa shokuese.
Dhe ajo që të bën përshtypje, është heshtja e shumicës së mediave në Shqipëri.
Ndërkohë sa për një paralelizëm, në Shqipëri u ngrit një furtunë e vërtetë (në prapaskenë qendronte Ilir Meta) kur në përgjimet e disa kriminelëve u përmend emri Saimir (asnjëherë Saimir Tahiri) dhe ish-ministri i Brendshëm shkoi në gjykatë, pa asnjë provë.
Sot njësoj përmendet edhe emri i Ilir Metës. Por në këtë rast askush nuk shkruan dhe nuk e përmend emrin e presidentit.
(TemA)