Janë publikuar detaje lidhur me organizimin e sulmit ukrains ndaj të paktën katër bazave ajrore ruse të dielën herët në mëngjes, duke shkatërruar më shumë se 40 avionë luftarakë rusë, sipas palës ukrainase.
Sipas burimeve nga Shërbimi i Sigurisë së Ukrainës (SBU) të cituara
https://x.com/clashreport/status/1929156631197089832?ref_src=twsrc%5Etfw%7Ctwcamp%5Etweetembed%7Ctwterm%5E1929156631197089832%7Ctwgr%5Ee9ce5a8cad6faf26d9108dfcb99c55d7f089c92c%7Ctwcon%5Es1_c10&ref_url=https%3A%2F%2Fwww.gazetatema.net%2Fbota%2Foperacioni-rrjeta-e-merimanges-si-e-inskenuan-ukrainasit-sabotimin-e-bazave-i497607
Drone brenda kontejnerëve prej druri
Siç raportojnë mediat, vala e parë e dronëve FPV u dërgua në territorin rus, e ndjekur nga kontejnerë të lëvizshëm prej druri. Pasi mbërritën në tokën ruse, dronët u fshehën në këto kontejnerë të cilët ishin vendosur në kamionë.
Në kohën e sulmit, kontejnerët u hapën me telekomandë, duke u lejuar dronëve të ngriheshin dhe të godisnin bazat ajrore aty pranë.
Videoja që qarkullon në mediat ukrainase tregon dronë që dalin nga çatia e një kontejneri të tillë.
https://x.com/visegrad24/status/1929153473477574678?ref_src=twsrc%5Etfw%7Ctwcamp%5Etweetembed%7Ctwterm%5E1929153473477574678%7Ctwgr%5Ee9ce5a8cad6faf26d9108dfcb99c55d7f089c92c%7Ctwcon%5Es1_c10&ref_url=https%3A%2F%2Fwww.gazetatema.net%2Fbota%2Foperacioni-rrjeta-e-merimanges-si-e-inskenuan-ukrainasit-sabotimin-e-bazave-i497607
Dëmet mbi 2 miliardë dollarë
Pala ukrainase vlerëson se dëmi që i është shkaktuar bazave ruse tejkalon 2 miliardë dollarë.
Midis objektivave të goditura ishin bombarduesit strategjikë TU-95, bombarduesit supersonikë TU-22M3 dhe avionët A-50, kritikë për aftësitë operacionale të Forcave Ajrore Ruse.
https://x.com/clashreport/status/1929132280884130151?ref_src=twsrc%5Etfw%7Ctwcamp%5Etweetembed%7Ctwterm%5E1929132280884130151%7Ctwgr%5Ee9ce5a8cad6faf26d9108dfcb99c55d7f089c92c%7Ctwcon%5Es1_c10&ref_url=https%3A%2F%2Fwww.gazetatema.net%2Fbota%2Foperacioni-rrjeta-e-merimanges-si-e-inskenuan-ukrainasit-sabotimin-e-bazave-i497607
Moska akuzon Kievin për “sulm terrorist”
Nga ana e saj, Ministria ruse e Mbrojtjes akuzoi Ukrainën për një “sulm terrorist” kundër aeroporteve në rajonet Murmansk, Irkutsk, Ivanovo, Ryazan dhe Amur, sipas agjencisë së lajmeve Interfax.
Ministria pretendon se të gjitha sulmet kundër aeroporteve u zmbrapsën dhe se disa nga pjesëmarrësit në sulme u arrestuan.
Ministria ruse e Mbrojtjes theksoi se disa avionë u përfshinë nga flakët pas sulmeve. Ai gjithashtu raportoi se zjarret u shuan dhe se nuk pati viktima.