Për herë të parë që pas nisjes se lëvizjes së re brenda PD-së, Ervin Salianji u ul përballë kolegëve në mbledhjen e Kryesisë së PD-së duke kritikuar hapur foltoret që Sali Berisha ka nisur përpara kryeministrisë me një grusht militantësh.
“Rruga e duhur janë revoltat, jo foltoret para Kryeministrisë.”, – u shpreh Salianji para nisjes së mbledhjes së kryesisë së PD.
Debatet u zhvilluan të ashpra në mbledhjen me dyer të mbyllura të kryesisë, mes ish-deputetit Ervin Salianji, dhe sekretarit të Përgjithshëm të Partisë, Flamur Noka, tone të larta që u dëgjuan edhe në korridoret e selisë blu nga gazetarët.
“Me këtë që bën, je duke bashkëpunuar me ata që kemi përballë”,- është mësuar t’i ketë thënë Sekretari i Përgjithshëm i Partisë Demokratike, ish-deputetit Salianji, duke iu referuar turit të Foltores së këtij të fundit, me strukturat e partisë.
Ish-deputeti i është përgjigjur Berishës duke i thënë “jep dorëheqjen Flamur. E ke shkatërruar partinë. Avokati i Popullit është tërësisht përgjegjësi e jotja”.
“Sot mendova se e kishim mbledhjen për të rrëzuar Ramën, e paskeni me mua. Po e zhvendosni vëmendjen plotësisht nga Rama”, mësohet të ketë thënë më tej Salianji.
Debati mes Nokës dhe Salianjit është zhvilluar me tone të larta, deri në pikën që dyshja dëgjohej në korridoret e selisë blu, jashtë sallës së takimit.
“Sot mendova se e kishim mbledhjen për të rrëzuar Ramën, e paskeni me mua. Po e zhvendosni vëmendjen plotësisht nga Rama”, mësohet të ketë thënë Salianji.
Edhe Berisha është përfshirë në një debat të drejtpërdrejtë me ish-deputetin, për moskandidimin e Hysen Kadisë në zgjedhjet parlamentare të 11 majit, pavarësisht se demokrati i Kavajës doli më i votuari në Qarkun Tiranë në Primaret e organizuara nga vetë krydemokrati.
Nga burimet brenda mbledhjes së kryesisë, mësohet se Salianji i është drejtuar Berishës se cili nen i statutit, ndalon anëtarët e kryesisë të takojnë demokratët.
“Demokratët e neglizhuar duhen dëgjuar jo përjashtuar si tek PS, kush mendon ndryshe është vlerë dhe jo problem”, është shprehur Salianji.