Nga Kimete Berisha
Jo serbët, po malazezët!
Pse Kryeministri i Kosovës po sillet si agjent i AKI-së në pension, dhe vullnetarisht po del me emra kriminelësh dhe ekstremistësh në Facebook-un e tij!
Pse i duket ekskluzivitet t’i zbulojë emrat e dy serbëve ‘sekret’, kur protestuesit po dalin ashiqare ditën, pa maska, po shihen me sy, as nuk po fshehen kur po i tallin, po i shajnë dhe po i nënçmojnë policët e Kosovës!
Nuk po fshehen kur po i djegin zyrat e vendit!
Pse Kryeministri me mish e me shpirt po mundohet të na bind se organizatorët, kriminelët dhe ekstremistët në Veri, nuk janë serbë të Listës Serbe (të cilët po i shohim me në protestë).
Pse sipas Keyeministrit kriminelët nuk serb por janë proserb, nuk janë rus por janë malazez pro-rus!
Kryeministri është kaq i frustruar sa që po kujton se ne nuk po e dimë se kaq fort është duke s shfajësuar Listën
Serbe (si autorë të bllokadës), jo se e do Listën Serbe por sepse nëse e pranon të vërtetën, duhet ta shkarkojë Rakiçin!
(Kur ishte në opozitë, Lista Serbe për Albin Kurtin ishte e keqja më e madhe që ekzistonte në Kosovë, atëherëbata ishin çetnikë, e tash s’janë më çetnikë se i ka mëshiruar dhe bekuar Albin Kurti).
Skuqu.
Duke u sjellur si drejtor i policisë, Kryeministri kërkoi ndihmën e qytetarëve për t’i ‘kërcënuar’ dhe për t’i frikësuar dy shtetasit malazez, si ekstremistë dhe kriminelë! .
Dhe ‘tigrat e Facebook-ut e kryen punën e tyre’, i kërcënuan me jetë dy malazezët kah të cilët bëri me gisht Kryeministri.
Se sikur ta kishte në plan t’i arrestonte, do t’i arrestonte, pa i treguar popullit kush janë ata, dhe pa ju treguar atyre se po ju ‘kërkojmë’-ikni.
Opozita romantike e Kosovës, e frikësuar shumë, iu drejtua BE-së, SHBA-ve, dhe NATO-s, për ndihmë.
Thirrja e tyre ma kujton thirrjen e Nanës Terezë, kur i është drejtuar Jezusit, e Jezusi nuk i është përgjigjur!
E thërras-nuk më përgjigjet!
E lus-nuk më përgjigjet!
Ia kërkoj një shenjë që nuk më ka braktistur -nuk më përgjigjet!
Derisa shqiptarët presin përgjigje nga Amerika, Amerika tashmë ka folur, por nuk e ka dëgjuar askush nga zhurma që ka krijuar Albin Kurti!
Ameria tha: qetësi!
E Albin Kurti përpara se të hyjë me njësinë speciale në Veri, tha: ‘Ne jemi shtet sovran’.
(Sqarim për filloristët: ‘Sovran’ do të thotë: që është i lirë e i pavarur për të ushtruar pushtetin më të lartë pa iu nënshtruar dikujt tjetër).
Edhe sovran-edhe lypësar! Nuk shkon!
Nuk ta duron kush buçken e hundën përpjetë Ty, që s’ke bukë t’i ngopësh popullin tënd;
Ty që i ke vjedhur buqit dhe i ke lënë të vetmuar. U ke vënë kushte që nuk plotësohen, për t’i ftohur nga toka dhe nga buka;
Ty që e shkretërove Kosovën.
Shih, pas 75 vitesh mbyllet shkolla në fshatin Drelaj të Rugovës. Nuk ka nxënës. Nuk ka mbetur askush. Të gjithë po ikin.
Ule buçkën e shiko përreth, gjjthkah mjerim, gjithkahbtokë e djegur, vend i shkretëruar, i ndotyr e i varfër.
Nuk gjen as mjeshtër, të gjithë kanë ikur.
Kushdo që di të ndreq diçka-ka ikur.
(Për humor, njëri më tregoi një ditë se si s’ka më mjeshtër, sepse po ikin në Gjermani, dhe tha: ‘Hej, merre me mend po duhet të marrim mjeshtër nga Shqipëria, pra deri në këtë derexhe ka ardhur puna’!
Opozita i tha Kryeministrit:
‘Na fto në takim, se q’ashtu duhet’. Keyeministri ia kthej përgjegjen Lumir butësisë ‘Ok. Ndoshta ju ftoj në takim’, rrini ju të gatshëm!
Por, ju përkraheni Policinë- e këshilloi Kryeministri opozitën.
Shihja hilen. Thuajse problemi është se opozita ka probleme me policinë!
Policia vepron sipas urdhërave të politikës.
Kur Albin Kurti i thotë ‘përkrahe policinë’, do të thotë i manipulon, se kjo i bie ‘përkrahe Xhelal Sveçlën’!
Ekstremistët në Veri qenkan malazez, edhe ti je me prejardhje nga Mali i Zi…
Krejt simbolikë ndodh veç për hatër të metaforës!
P.S. Më paska marr malli për Ibrahim Rugovën e Hashim Thaçin.