Julian Balla, është një nga personat në kërkim nga SPAK, në kuadër të operacionit për trafikun e 17 tonëve kokainë.
Ai rezulton pronar i resortit “Ajman Park” në Xhafzotaj, Durrës, dhe një vile 2-katëshe tip “ELYSIAN” në Dhërmi, me vlerë mbi 1 milion euro.
Të dyja këto pasuri janë vënë nën sekuestro preventive nga Gjykata e Posaçme me kërkesë të Prokurorisë së Posaçme, si pjesë e hetimeve për pastrim parash dhe përfshirje në trafik ndërkombëtar droge.
Ky shtetas rezulton gjithashtu se është president i ekipit të futbollit “Erzeni” dhe në mjaft dalje televizive, ka treguar investimet e mëdha në sport dhe në shërbim.
“Ajman Park” është një ndër resortet më luksoze në zonën e Shijakut dhe mendohet të ketë një vlerë miliarda lekë, sepse përfshinë mijëra m2 sipërfaqe.
c
SPAK ka lëshuar 16 masa sigurie në këtë operacion, ku janë përfshirë figura të njohura në trafikun e drogës, si vëllezërit Çela apo Franc Çopja, dhe pastrimin e parave, përfshirë dhe persona me investime të mëdha në Shqipëri.