Një ngjarje e rëndë ka ndodhur në Zvicër, ku 6 persona humbën jetën dhe disa të tjerë u plagosën, pasi një autobus u përfshi nga flakët.
Mediat vendase raportojnë se ka qenë një burrë që i ka vënë flakën vetes, e me pas i gjithë autobusi është përfshirë në flakë.
Ngjarja ndodhi në qytetin Kerzers në Zvicrën perëndimore, kur një autobus që transportonte pasagjerë papritmas u përfshi nga flakët rreth orës 6:25 të pasdites të martën.
Policia tha se deri më tani besohet se gjashtë persona kanë vdekur dhe të paktën pesë janë plagosur. Videot e shpërndara në mediat sociale tregojnë flakë disa metra të larta që ngrihen nga autobusi, ndërsa një prej dëshmitareve dëgjohet duke folur në shqip.
Shërbimet e urgjencës kanë shkuar në vendngjarje, ndërsa ende nuk është konfirmuar zyrtarisht shkaku i zjarrit.
JUST IN: Man sets himself on fire on a bus in Kerzers, Switzerland, killing and injuring multiple people. – Blick/FOCUS pic.twitter.com/mC6Uihzo8A
— AZ Intel (@AZ_Intel_) March 10, 2026