Presidenti Ilir Meta ka komentuar mesazhet e ambasadores Yuri Kim që u ka bërë thirrje partive politike të ‘pastrojnë’ listat.
Meta thotë se ky ka qenë një problem serioz në të gjitha nivelet e pushtetit, por ai i bën thirrje partive që më 25 prill të garojnë me figura me integritet.
Ai kërkon që si partitë dhe qytetarët të distancohen nga figurat që nuk i përfaqësojnë.
”Fakti që ne kemi bërë një ligj për dekriminalizimin, tregon se ka qenë problem serioz, i Kuvendit, pushtetit vendor, i niveleve të tjera, të qeverisjes.
E domosdoshme më 25 prill të tregohet vullnet nga forcat politike, dhe vetë qytetarët për t’u distancuar nga figurat që nuk përfaqësojnë qytetarët, interesin e lartë publik. Dhe që kanë ato problemet e qarta në ligjin e dekriminalizimit.
Partitë të jenë në garë me figura me sa më shumë integritet.”- tha Meta.
Gjithashtu ai tha se 25 prilli do të jetë një referendum më i rëndësishëm dhe se do të fitojë e ardhmja evropiane e Shqipërisë.
“Do të jetë një Referendum shumë herë më i rëndësishëm se i nëntorit të vitit ’94”, tha Meta.