Myrto Uzuni vijon me formën e jashtëzakonshme në Spanjë. Sulmuesi shqiptar ka arritur të shënojë dy gola në harkun e 13 minutave për Granadën duke përmbysur avantazhin e Cartagenas.
29-vjeçari tundi rrjetën fillimish në minutën e 14-të, duke barazuar rezultatin. Uzuni shfrytëzoi si duhet krosimin e Ruiz për të dërguar topin në rrjetë. Goditja e tij me kokë nuk mund të pritej nga portieri kundërshtar.
Ndërkohë në miuntën e 27-të, ishte sërish beratasi ai që shënoi për skuadrën e tij duke përmbysur shifrat në 2-1.
Për Uzunin kjo dopietë e çon në 13 numrin e golave të shënuar në këtë edicion, në 17 sfida ku është impenjuar.
Ky është sezoni i katërt me fanellën e Granadës, teksa më parë është aktivizuar për Lokomotivën e Zagrebit dhe Ferencvaros.