Monika Kryemadhi tha sot në mrëmje se opozita do të shkojë e bashkuar në zgjedhje, duke iu referuar këtu marrëveshjes së nënshkruar më 23 prill mes partive opozitare.
E pyetur nga Fevziu nëse ka mundësi të ndryshojë mendje gjatë rrugës, kryemadhi tha se kjo mund të ndodhë vetëm nëse ajo çmendet.
Sakaq, gazetari Mentor Kika i bën me dije se “LSI është çmendur dy herë”, duke iu referuar dy koalicioneve me PS-në, ku i fundit ishte viti 2013 me Edi Ramën.
Fevziu: A do shkoni në zgjedhje bashkë si opozitë, apo mund të ndërroni mendje?
Kryemadhi: Po po, partitë e opozitës do të shkojnë të gjitha bashkë në zgjedhje, kemi firmosur një marrëveshje më 23 prill.
Fevziu: Po mos ndërroni mendje rrugës dhe ua mbush mendjen Rama e kaloni me Ramën? Pra ka ndonjë shans?
Kryemadhi: Po vetëm nëse unë jam çmendur, ose jam person që nuk e mbaj fjalën, por mesa di unë jam njeri që e mbaj fjalën.
Kikia: Po jeni çmendur nja dy herë…