Marrin fund pritjet e gjata në pikën e kalimit kufitar të Kapshticës. Qytetarët e mbetur në këtë pikë gjatë natës të së dielës kanë kaluar në territorin grek ndërsa burime për gazetaren e ‘BalkanWeb’ Lorena Kodra bëjnë me dije se në këtë pikë ende nuk është plotësuar kuota e 300 qytetarëve.
Ndërkohë, situata paraqitet e qetë mëngjesin e kësaj të hënë, ndërsa hyrjet drejt shtetit grek vijojnë normalisht dhe pa radhë. Nga data 1 deri në 30 gusht në Kapshticë kanë hyrë 30.389 shtetas të huaj dhe shqiptarë ndërsa kanë dalë 31529 shtetas.