Muli sot u mërzit seriozisht me Lelon.
Në një postim të tij Lelo kishte deklaruar se përfundimisht PD i mbetën besnikë vetëm veriorët katolikë.
Kjo e tronditi shumë Mulin.
— Si ka mundësi, tha me vete.
Numri 1 i PD tw Doktorit, mysliman nga Veriu.
Numri 2, unë, mysliman nga Veriu.
Numri 3 mysliman nga Veriu.
Numri 4 mysliman nga Veriu.
Ky thotë që më të mirët janë katolikët nga Veriu.
E thirri gjithë mllef t’i zbrazej, por i ra inati kur e pa që Lelo nuk po e prishte terezinë.
— Çfarë e kishe atë postim, i tha Muli?
— Pse dhe ti je shqetësuar për këta toskët, tha Lelo?
— Jo mo, ata as i llogaris fare, tha Muli, por me ne veriorët myslimanë çfarë ke ti?
Apo keni ndonjë plan të vendosni ndonjë katolik në krye të PD?
Jozefinën nuk e manipuloni dot, se ajo më parë vret veten se t’i zërë vendin Doktorit, tha Muli.
Paloka po ashtu. Vetëm po i mbushët mendjen Gjin Gjonit, ose Gjekmarkajt.
— Nuk më ka shku mendja deri këtu, tha Lelo, por e kisha në aspektin që prifti katolik iu kthye Ramës.
Këta hoxhallarët e Shkodrës nuk hapën gojë.
— Po qe se i është kundërvënë prifti tregon që Rama nuk e ka mirë me Vatikanin, jo me Veriun, tha Muli.
Se hoxhallarët e shohin që e ka mirë me Stambollin dhe nuk ndihen.
Kjo s’ka lidhje me PD.
— Nuk më kishte shkuar mendja këtu, i tha Lelo.
E kisha thjeshtë për të treguar që katolikët janë komunitet rezistent ndaj këtyre toskëve.
— Katolikët e kanë inatin me ortodoksët, o zotëri, i tha Muli.
Ajo është parti ortodokse, ndaj e kanë inat.
Mos na ngatërro ne myslimanëve se po fyen demokratët që kanë udhëheqës myslimanë.
— S’e kisha menduar kaq thellë, tha Lelo.
Madje tani po e mendoj që dhe vetë jam katolik, por e dua Doktorin.