Nga Eduard Zaloshnja
Para protestës së fundit të thirrur nga Berisha, si zakonisht, ai deklaroi se do të jetë kryengritja më madhështore paqësore që ka njohur ndonjë herë Shqipëria. Po sa e madhe ishte në fakt ajo protestë?
Le t’i referohemi CalcMaps (shihni hartën e mëposhtme), për të llogaritur se sa është sipërfaqja ku ishin shpërndarë kokrra-kokrra protestuesit e thirrur nga Berisha. Nga tribuna e Berishës deri tek Lana (duke përfshirë edhe trotuaret), sipërfaqja e përgjithshme rezulton 8670 m2.
Në qoftë se në këtë sipërfaqe do të ishin ngjeshur 4 protestues për metër katror (si në një ashensor të vogël me përmasa 1×1 m), në total do të ishin rreth 35 mijë pjesëmarrës në protestë. POR NË FAKT, dendësia MESATARE ishte diku te 1 protestues për 5 metra katror (shihni me poshtë pamjen me dron, që tregon se pranë tribunës dhe Kullave Binjake kishte një farë dendësie, kurse kudo tjetër kishte vetëm rrallësi).
Pra, me përafërsi, mund të llogoritet një pjesëmarrje prej rreth 1800 protestuesish. Teksa vjet, për Aleancën Madhështore votuan plot 500 mijë banorë të vendit…
Dikush duhet t’i thotë Berishës se, kur as 0.4% e votuesve të tu nuk të dalin në shesh, nuk vlen t’i thirrësh më për ksi protestash!
