Kryetari i Komisionit për Punët e Jashtme i Parlamentit Evropian, David McAllister vetëm para pak kohësh ka deklaruar se e vlerësojnë që integrimi në Bashkimin Evropian (BE) është prioritet në Shqipëri.
Delegacioni i Komisionit për Punët e Jashtme i PE-së, i udhëhequr nga McAllister vizitoi Shqipërinë më 17–18 shkurt, duke u takuar me zyrtarë të lartë të vendit.
Në një konferencë për mediat në Tiranë në përfundim të vizitës, McAllister tha se kjo vizitë është në një kohë shumë të përshtatshme, sipas tij, duke qenë se Shqipëria e ka hapur grupkapitullin e fundit në procesin e negociatave për anëtarësimin në Bashkimin Evropian.
“Ne vazhdojmë të mbështetshim fuqimisht Shqipërinë në rrugëtimin e saj drejt integrimit evropian. Gjithashtu njohim edhe rezultat e forta që ka pasur Shqipëria. Hapja e gjithë kapitujve është një arritje e fortë. Por, nuk ka vend për vetëkënaqje. Shqipëria duhet të vazhdojë të punojë edhe më fort për përmbushjen e detyrimeve dhe për përfundimin e negociatave”, tha ai.
McAllister theksoi se integrimi në BE është një proces i cili mbështetet në merita dhe sipas tij secili vend vlerësohet në bazë të përmbushjes së kritereve.
“Ne e vlerësojmë që integrimi në BE është prioritet në Shqipëri, por jemi të shqetësuar sa i takon polarizimit politik. Mendojmë që duhet të këtë më shumë dialog politik”, deklaroi McAllister.
Për ketë çeshtje Tabaku i Saliut i ka dërguar n∆e letër McAllisterit.
Vetëm pak ditë pas letrës së deputetes së PD Jorida Tabaku për situatën e parlamentit dhe procesit të integrimit në Shqipëri, kryetari i Komisionit të Jashtëm të Parlamentit Europian, David McAllister, i ka kërkuar zyrtarisht Komisionit Europian sqarime për hapësirën e opozitës dhe funksionimin demokratik të institucioneve në vend.
Në një letër drejtuar Komisioneres për Zgjerimin Marta Kos, McAllister ngre shqetësimet e përcjella nga Tabaku për përjashtimin e opozitës nga procesi i integrimit, mungesën e transparencës dhe kufizimin e rolit kontrollues të parlamentit shqiptar.
Kreu i Komisionit të Jashtëm të Parlamentit Europian thekson se sipas shqetësimeve të ngritura nga Tabaku, opozita, shoqëria civile dhe publiku janë të përjashtuar nga informacioni mbi negociatat dhe procesin e anëtarësimit të Shqipërisë në Bashkimin Europian. Ai kërkon nga Komisioni Europian një vlerësim të qartë mbi bashkëpunimin mes qeverisë dhe opozitës në Shqipëri, si edhe mënyrën se si mund të garantohet roli kushtetues i opozitës si institucion kontrolli demokratik.
Në letrën e tij, McAllister paralajmëron se një proces integrimi i dominuar vetëm nga ekzekutivi dhe që përjashton opozitën rrezikon të dëmtojë standardet demokratike dhe vetë besueshmërinë e procesit të zgjerimit të Bashkimit Europian. Ai nënvizon se Shqipëria, si një vend që konsiderohet “frontrunner” në procesin e integrimit, duhet të ndjekë një proces të bazuar tek merita, integriteti institucional dhe standardet demokratike europiane.