Arta Marku reagon për aksionin në Nikël, asnjë sqarim për lirimin e dy “kokave” të rrezikshme Bami e Haka

Prokuroria e Përgjithshme ka reaguar për herë të parë pas aksionit që u zhvillua sot në fshatin Nikël në Fushë-Krujë. Në një njoftim zyrtar për mediat, Prokuroria publikon emrat e 5 të arrestuarve në Fushë-Krujë.

Kryeprokurorja Arta Marku njofton se janë arrestuar Lutfi Haka, Marklen Haka, Ylli Çangu, Skënder Leza e Valter Bami, ndërsa nuk jep asnjë sqarim pse u lanë të lirë dy ‘kokat’ më të rrezikshme të Niklës Durim Bami dhe Flamur Haka, të cilët janë autorët e një sërë vrasjesh, rrëmbimesh, kërcënimesh, etj.

Njoftimi i plotë

Sot me date 12.08.2018, ne vazhdim te opionit Policor te koduar “Forca e Ligjit” , forcat e Drejtorise se Pergjithshme te Policise se Shtetit ne bashkepunim me forcat e Drejtorise Vendore te Policise Durres, nen drejtimin e hetimeve te Prokurorise se Rrethit Gjyqesore Kruje , lidhur me gjetjen dhe sekuyestrimin e sendeve te kundraligjshme, bene ekzekutimin e vendimeve per kontrollin e banesave te shtetasve : Durim Bami, Valter Bami, Genc Pajtoni, Ylli Çangu, Marklen Haka, Bedri Haka, Skender Leza, Flamur Haka dhe Zyber Bami, ku ne perfundim te kontrolleve u be arrestimi ne flagrance :

Lutfi Haka, I biri I Beqir dhe Fajdie, dtl 16.05.1951, lindur dhe banues ne fshatin Zeze te Rrethit Kruje, gjinia mashkull, kombesia shqiptare, arsimi 4 klase, I denuar me pare.
Marklen Haka, I biri I Lutfi dhe Lutfie, I dtl 04.04.1991, lindur dhe banues ne Zeze te rrethit Kruje , gjinia mashkull, kombesia shqiptare, arsimi 8 klase, I denuar me pare.
Ylli Çangu , I biri I Hamidit dhe I Tijes, I dtl 22.07.1976, lindur dhe banues ne fshatin Nikel te rrethit Kruje, arsimi 12 klase, I padenuar me pare.
Skender Leza, I biri I Hasanit dhe Zyrase, I dtl 15.08.1984, lindur dhe banues ne fshatin larushk te rrethit Kruje, me arsim 4 klase, I denuar me pare.
Valter Bami , I biri I Dilaverit dhe Meremes, I dtl 17.08.1986, lindur dhe banues ne fshatin Larushk te Rrethit Kruje, me arsim 4-vjecar , I pa denuar me pare.

Gjate kontrollit te ushtruar ne banesat e personave te mesiperm u gjeten dhe sekuestruan ne cilesine e provave material :

Nje arme zjarri Pistolete e martkes Bareta , me Nr L95899Z.
Nje arme zjarri Revolver “Trident” , me nr 10883.
28 njezet e tete cope Fisheke luftarake me caliber 9mm.
Tre arme gjahu.
Nje pushke sportive pleumatike.

Ditën e sotme FNSH, RENEA dhe Policia zhvilluan një operacion blic në Nikël të Fushë-Krujës ku u arrestuan 5 persona e 11 të tjerë u ndaluan. Operacioni i Policisë në Nikël zhvillohet pas një seri aksionesh të tjera në Shkodër, Lezhë, Mamurras, Elbasan, e Tiranë. Kontrollet dhe arrestimet vijnë pas disa vrasjeve, ku vetëm në Shkodër në 2 muaj kanë ndodhur 6 vrasje.