Sali Berisha i ka bërë thirrje studentëve dhe nxënësve të bojkotojnë mësimin.
Në një konferencë për shtyp, ai i kërkoi studentëve dhe nxënësve t’i bashkohen protestës.
“U bëj thirrje pedagogëve të bashkohen me nxënësit dhe studentët e tyre, se mësimi i parë, neni i parë i misionit të tyre është që ata, në çdo rrethanë, duhet të jenë me nxënësit dhe studentët e tyre.
Asnjë tentativë, siç po ndodh në disa raste, për të kërcënuar studentët dhe nxënësit nuk do të mbetet pa ndëshkuar.
Mësuesit dhe pedagogët janë idhulli për nxënësit dhe studentët.
U bëj thirrje biznesmenëve të bashkohen me studentët, mos bini viktimë e narkopropagandës”, tha Berisha.